【2025年3月經安老院一站通轉介，入住土瓜灣區一私護老院】

「我自己搵屋企樓下個啲(護老院)但太貴，老公身體唔好，要洗腎，我冇能力幫助佢，又驚自己記性唔好搞錯咗好大件事…真係感恩長者家幫咗我好多。」–何太



何伯伯早於數年前進行手術切除約一半的腎臟，及後醫生安排他洗腎，但身為家中唯一經濟支柱，他深明一洗腎等於失去工作能力便一口拒絕了。

「呢次因為心口痛入咗醫院，醫生同我講腎功能得番4%，如果再唔洗腎最多得幾個月命。」決定洗腎後，何太表示「又要去醫院，又要幫佢搵護老院，搵唔到就要喺屋企照顧佢，我身體都好差，佢遲啲要通波仔，有痛風、血壓高、鉀低，一日三餐再加洗腎三次喺好多嘢做…屋企附近院舍冇洗肚設施，有嘅又負擔唔起，淨係床位每個月都要$15000，又有陪診費同其他雜費…」實在令一家人心力交瘁。

有見及此，經醫務社工介紹下認識到「安老院一站通」嘅轉介服務，何太透露「安老院一站通個案主任許姑娘打俾我，又帶我嚟呢間護老院，呢度環境乾淨，冇異味，價錢各方面都負擔到，減輕我哋壓力，好感恩真喺幫到我哋。」 何伯伯也分享自己在護老院的生活「開頭幾日我完全唔適應，而家住咗一段時間都適應咗，每日都有湯有飯有肉，會出嚟睇下電視，同隔離伯伯傾吓計，姑娘照顧得好好，又好有規律，之前個個話入護老院唔好，而家覺得唔喺啦。」針對何伯伯的照顧需要，他指出「啲藥交晒俾姑娘處理，每日再俾我地食。入院個啲覆診、手術佢地都會幫我地記住，呢度姑娘好好，幫我哋訂埋洗肚水，真係好感恩。」安頓好之後，何太總算放下心頭大石，知道先生24小時都有人照顧，即使上班也安心，也可以經常前來探望。

後記：何太在訪問中反覆表達感激之情，我們也深感欣慰能夠伸出援手，幫助有需要的長者和家庭。